ललितपुर । ललितपुरको टिकाथलीमा ७ लाख रुपैयाँ बराबरको धनमाल चोरी भएको छ । जिल्लाको महालक्ष्मी नगरपालिका–५ टिकाथली डेरा गरी बस्ने रुकुम पश्चिम मुसिकोट नगरपालिका–१३ घर भएका २० वर्षीया निर्मला केसीको कोठाबाट बुधबार साँझ ७ लाख रुपैयाँ बराबरको धनमाल चोरी भएको हो ।
कोठाबाट सुन तथा नगद समेत गरी करिब ७ लाख रुपैयाँ बराबरको धनमाल चोरी भएको प्रहरीले जनाएको छ । प्रहरीले चोरीमा संलग्न हाल फरार व्यक्तिको खोजी गर्नुका साथै यस सम्बन्धमा आवश्यक अनुसन्धान भइरहेको जनाएको छ ।
प्रतिक्रिया जनाउनुहाेस्






