धनगढी । अछाममा प्रहरीले गाँजाका बोटहरू नष्ट गरेको छ।
आइतबार मंगलसेन नगरपालिका–१४ कालागाउँ, दाईजेपानी, भगवतीटोलमा प्राकृतिक रूपमा उम्रिएर फैलिएका अन्दाजी १ हजार आठ सय गाँजाका बोटहरू पूर्ण रूपमा फडानी गरी नष्ट गरिएको जिल्ला प्रहरी कार्यालय कैलालीले जनाएको हो ।
मंगलसेन नगरपालिकाका उप–प्रमुख सङ्गीता रावलसोडारीको अध्यक्षतामा स्थानीय जनप्रतिनिधि, समाजसेवीहरूको सक्रियतामा जिल्ला प्रहरी कार्यालय अछामको मातहत अस्थायी प्रहरी पोस्ट कालागाउँ अछामबाट खटिगएको प्रहरी टोलीले उक्त गाँजाका बोटहरू नष्ट गरेको छ।
‘समुदाय प्रहरी साझेदारी अवधारणा’ अनुरूप अवैध गाँजा फडानी विशेष अभियान अन्तर्गत अछाम प्रहरीले गाँजाका बोटहरू नष्ट गर्ने काम गरिरहेको छ।
प्रतिक्रिया जनाउनुहाेस्






