जम्मू । जम्मू कश्मीरको उधमपुर जिल्लामा बिहीबार केन्द्रीय रिजर्भ पुलिस बल (सीआरपीएफ) को एउटा गाडी सडकबाट चिप्लिएर नालीमा खसेको छ।
समाचार एजेन्सी पीटीआईका अनुसार यस दुर्घटनामा तीन सीआरपीएफ सैनिकको मृत्यु भएको छ भने अन्य १५ सैनिक घाइते भएका छन्। १८७ औं बटालियनका सिपाहीहरू बसन्तगढमा अपरेसनबाट फर्किरहेका बेला बिहान १०:३० बजे कडवा क्षेत्रमा यो घटना भएको थियो।
यो गाडीमा २३ जना थिए। केन्द्रीय विज्ञान तथा प्रविधि मन्त्री डा. जितेन्द्र सिंहले सामाजिक सञ्जाल प्लेटफर्म एक्समा एक पोस्ट मार्फत दुर्घटनाप्रति दुःख व्यक्त गरेका छन्।
प्रतिक्रिया जनाउनुहाेस्
