१४ कात्तिक, काठमाडौं। नेपाली कांग्रेसको केन्द्रीय समिति बैठक आइतबारसम्मका लागि स्थगित भएको छ।
महामन्त्री गगन थापाले महाधिवेशनको कार्यतालिका पेश गर्न नदिए सहभागी नै नहुने चेतावनी दिएपछि बैठक रोकिएको हो ।
बैठक आइतबार दिउँसो एक बजेसम्मका लागि स्थगित भएको हो ।
कांग्रेसमा विशेष महाधिवेशन र नियमित महाधिवेशन भन्ने बहस भइरहेको छ। यस विषयमा केन्द्रीय समिति बैठकमा छलफल भइरहे पनि संस्थागत निर्णय भएको छैन ।
महामन्त्री थापाले तुरुन्तै महाधिवेशन हुनुपर्ने भन्दै अर्का महामन्त्री विश्वप्रकाश शर्मासँग मिलेर अभियान चलाइरहेका छन् ।
प्रतिक्रिया जनाउनुहाेस्








