३० साउन, हेटौंडा । मकवानपुरको विकट कैलाश गाउँपालिकामा श्रीमतीको हत्या गरेको आरोपमा २६ वर्षीय युवक पक्राउ परेका छन् ।
कैलाश–५ कालीखोलास्थित काफलडाँडाका मंगलबहादुर पाख्रिनलाई पक्राउ गरी १० दिन हिरासतमा राख्न जिल्ला प्रहरीले अदालतबाट अनुमति लिएको छ ।
पाख्रिनले २७ साउन साँझको समयमा २० वर्षीया श्रीमती लक्ष्मी पाख्रिनको हत्या गरी वनमा गाडेको स्वीकार गरेको प्रहरीले जानकारी दिएको छ ।
घरायसी विवादमा पाख्रिनले श्रीमतीलाई घरभित्र बञ्चरो प्रहार गरी हत्या गरेको पाइएको मकवानपुरका प्रहरी प्रवक्ता ओम पण्डितले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
