बैंकक । थाइल्यान्ड र कम्बोडियाले तत्कालै युद्धविराम गर्न सहमति जनाएका छन् ।
स्थानीय समयअनुसार मध्यरातिदेखि लागु हुने गरी तत्कालै अनि निःशर्त युद्धविराम हुने मलेसियाका प्रधानमन्त्री अनवर इब्राहिमले भनेका छन् । तनाव कम गर्न र शान्ति र सुरक्षा स्थापित गर्नेतर्फ अनवरले यसलाई महत्त्वपूर्ण पहिलो कदम भनेका छन् ।
जुलाई २४ मा दुई देशको सीमामा लडाई शुरु भएयता कम्तीमा ३३ जनाको मृत्यु भइसकेको छ । यो वार्तालाई कम्बोडियाका प्रधानमन्त्री हुन मानेटले निकै राम्रो भनेका छन् ।
द्वन्द्वका कारण दुबै तर्फ सीमामा ३ लाख मानिस विस्थापित भएका थिए । वार्तामा रचनात्मक संलग्नताका लागि थाई समकक्षी फुमाथाम वेचायाचाई हुनले धन्यवाद भनेका छन् । युद्धविराम लागू भएपछि मंगलबार बिहान ७ बजे दुई देशका सेनाका कमान्डरहरूले अनौपचारिक बैठक बस्ने अनवरले भनेका छन् ।
त्यसपछि अगष्ट ४ मा रक्षा अधिकारीहरूको भेटघाट हुनेछ । वार्ताको नतिजाले दुबै पक्षका जनतालाई सामान्य अवस्थामा फर्किन अनेकौँ अवसर उपलब्ध गराउनेमा हुन आशावादी देखिएका छन् ।
