विज्ञापन

दशकपछि दीपाश्री र नीताको सहकार्य तय, साइन् गरिन् ‘पार्वती’

विज्ञापन
Image
विज्ञापन

काठमाडौं । फिल्म ‘पार्वती’मा अभिनेत्री तथा निर्देशक दीपाश्री निरौला अनुबन्धित भएकी छन् ।

निर्मात्री तथा निर्देशक नीता ढुंगानासँग निरौलाको लिखित सहमति भएको छ । निर्माताले पठाएको इमेलमा दीपाश्री र नीताबीच समझदारी भएको देख्न सकिन्छ ।

यसअघि दीपाश्रीले नीताको फिल्म खेल्ने चर्चा लामो समयदेखि भैरहेको थियो । मंगलबार चाहिँ यी दुईबीच लिखित सहमति भएको छ ।

‘उहाँ मेरो प्रोजेक्टमा हुनु मेरो लागि ठूलो कुरा हो’ नीताले भनिन् । साइन गरेपछि दीपाश्रीले १२ वर्षअघि नीतासँगको सहकार्यको स्मरण गरिन् ।

२०७० सालमा रिलिज भएको फिल्म ‘६ एकान ६’मा दीपा र नीताले सहकार्य गरेका थिए ।

‘अहिले यो साउनको महिना । शिव-पार्वती जोडिएको महिना र पार्वती जस्तो फिल्ममा लिड रोलमा मौका पाएँ । धन्यवाद, मलाई सम्झेकोमा’ उनले भनिन् ।

यसैसाता चर्चित डान्स ग्रुप ‘कार्टुन्ज क्रू’का सरोज अधिकारी सहायक निर्देशकको रूपमा अनुबन्धित भएका थिए ।

फिल्म आगामी माघ १ गतेदेखि प्रदर्शनमा आउनेछ । फिल्ममा नीता, दीपाश्रीबाहेक अन्य कलाकारको नाम भने खुलाइएको छैन ।

दीपाश्रीको कुरा गर्दा, उनले पछिल्लोपटक फिल्म ‘छक्कापञ्जा ५’ निर्देशन गरेकी थिइन् ।

प्रतिक्रिया जनाउनुहाेस्
विज्ञापन
विज्ञापन
विज्ञापन