विज्ञापन

नेपाल तरुण दल काठमाडौँमा अधिवेशनका लागि खटाइयो प्रतिनिधि

विज्ञापन
Image
विज्ञापन

काठमाडौँ । नेपाली कांग्रेसको भातृ संस्था नेपाल तरुण दल काठमाडौँले वडा, नगर, प्रदेश निर्वाचन क्षेत्र र सङ्घीय निर्वाचन क्षेत्रसम्मको अधिवेशन प्रक्रियालाई तीव्रता दिएको छ । यसका लागि आवश्यक समन्वय सुरु गरेको छ ।

नेपाल तरुण दल जिल्ला कार्यसमितिले सम्बन्धित तहमा मातृ पार्टी (नेपाली कांग्रेस) र दलका प्रमुखसँग समन्वय गरी अधिवेशन सम्पन्न गर्नका लागि प्रतिनिधि खटाएको काठमाडौँ जिल्ला अध्यक्ष कृष्णजी खड्काले जानकारी दिएका छन् । अधिवेशन प्रक्रिया निर्धारित समयमै सम्पन्न गर्न कार्यदल र संयन्त्रहरूलाई सक्रिय बनाइएको पनि उनले जानकारी दिए ।

अधिवेशन हाम्रो सङ्गठनको जीवनशैली हो,’ तरुण दलका काठमाडौँ अध्यक्ष खड्काले भने, ‘युवा नेतृत्वलाई सशक्त बनाउने र लोकतान्त्रिक अभ्यासलाई संस्थागत गर्न हामी अघि बढेका छौँ ।’

जिम्मेवारी पाएका प्रतिनिधिहरूलाई तत्काल सदस्यता वितरणको बाँकी काम अघि बढाउन अनुरोध गरिएको छ भने निर्धारित समय सीमाभित्र अधिवेशन प्रक्रियालाई टुङ्ग्याउन जोड दिइएको छ।

नेपाल तरुण दलले आगामी निर्वाचनलाई समेत लक्षित गर्दै सङ्गठनलाई नयाँ जोस, उत्साह र नीतिगत स्पष्टतासहित अघि बढाउने योजनामा छ । युवा पुस्तालाई राजनीति र नेतृत्व विकासमा संलग्न गराउने उद्देश्यसहित अधिवेशनलाई सफल बनाउने तयारी भइरहेको छ ।

प्रतिक्रिया जनाउनुहाेस्
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन