स्थानीय बजारमा सुनचाँदीको मूल्यमा भारी गिरावट आएको छ । शुक्रबार सुनको मूल्य प्रतितोला १२ हजार २०० रुपैयाँ र चाँदीको मूल्य २२५ रुपैयाँले घटेको छ ।
नेपाल सुनचाँदी व्यवसायी महासङ्घले उपलब्ध गराएको पछिल्लो मूल्यसूचीअनुसार शुक्रबार छापावाल सुन प्रतितोला २ लाख ४५ हजार ४०० रुपैयाँ कायम भएको छ ।
त्यस्तै, चाँदीको मूल्य प्रतितोला ३ हजार ११० रुपैयाँ निर्धारण गरिएको छ ।
यसअघि बिहीबार छापावाल सुन प्रतितोला २ लाख ५७ हजार ६०० रुपैयाँ र चाँदी ३ हजार ३३५ रुपैयाँमा कारोबार भएको थियो ।
बिहीबारको तुलनामा शुक्रबार सुन र चाँदी दुवैको मूल्यमा उल्लेख्य गिरावट आएको हो ।
प्रतिक्रिया जनाउनुहाेस्

















