तेल अभिभ । इजरायलले रातारात लेबनानमाथि व्यापक हवाई आक्रमण गरेको छ । इजरायली विदेशमन्त्री इजरायल काट्जले लेबनानमाथि रातभर हवाई आक्रमण गरेको बताएका हुन् ।
यी आक्रमणहरूमा हिजबुल्लाहका आर्थिक लक्ष्यहरूलाई निशाना बनाइएको भनेर विदेशमन्त्री काट्जले भनेका छन् ।
‘बेरुतमा १५ वटा भवनलाई निशाना बनाइएको छ र यसअघि मानिसहरूलाई यी स्थानहरू खाली गर्न चेतावनी दिइएको थियो ,’ सामाजिक सञ्जाल प्लेटफर्ममा एक पोस्टमा काट्जले लेखेका छन्, ‘हिजबुल्लाहले उत्तरी इजरायलमा गरेको रकेट आक्रमणको ठुलो मूल्य चुकाउनु परेको छ, अगाडि पनि चुकाउनु पर्नेछ ।’ इरानले समर्थन गरेको यो समूहलाई नष्ट नगरेसम्म आफूहरूले आक्रमण जारी राख्ने पनि उनले बताए ।
@रातोपाटी
प्रतिक्रिया जनाउनुहाेस्
