१५ भदौ, काठमाडौं । गत १० भदौमा भोटेकोशी नदीमा आएको विनाशकारी बाढीका कारण रसुवा, नुवाकोट र धादिङका ३५ वटा पुलमा क्षति पुगेका छन् ।
कतिपय पुलका पिल्लरसमेत बाढीले बगाएको छ भने केहीमा आंशिक क्षति पुगेको छ ।
यसैबीच धादिङको गल्छीमा रहेको पुल भने जोगिएको छ । सोही पुलबाट अहिले नुवाकोट, रसुवा र धादिङ पारीका गाउँहरूमा पुग्नेहरू यात्रा गरिरहेका छन् ।
राहत र उद्धारका लागि खटिएका टोली पनि यही मार्ग प्रयोग गरिरहेका छन् ।
नुवाकोटका विभिन्न पालिकामा पुग्नका लागि यही पुल हुँदै वैकल्पिक बाटो प्रयोग भइरहेको छ ।
प्रतिक्रिया जनाउनुहाेस्
