१७ असोज, सुर्खेत । ढुंगाले च्यापिएर सुर्खेतमा एक महिलाको मृत्यु भएको छ ।
घर लिप्ने माटो खन्ने क्रममा ढुंगाले च्यापिएर गुर्भाकोट नगरपालिका–६ सानोठकेनीकी ३८ वर्षीया ज्योती वलीको मृत्यु भएको हो ।
घर पोत्ने माटो खन्दै गर्दा माथिबाट खसेको ढुंगाले च्यापेर बिहिबार उनको मृत्यु भएको जिल्ला प्रहरी कार्यालयका डीएसपी वीरेन्द्रन वीर विश्वकर्माले जानकारी दिए ।
प्रहरीका अनुसार ज्योती खोलाको छेउमा माटो खन्न गएकी थिइन् ।
मृतकको शव पोष्टमार्टमको लागि मेहलकुना अस्पतालमा राखिएको प्रहरीले जनाएको थियो ।
@अनलाइनखबर