काठमाडौँ । आइतबार बसेको अर्थ समितिको बैठकले भन्सार अनुगमनलाई निरन्तरता दिने निर्णय गरेको छ । यसअघि भइरहेको अनुगमन असोज महिनाको बाढी पहिरो र चाडबाड लगायत कारण स्थगित भएको थियो ।
अनुगमनमा जानुअघि अर्थमन्त्रीसँग छलफल गरिने समिति सभापति सन्तोष चालिसेले जानकारी गराए । उनका अनुसार अर्थमन्त्रीले छिट्टै समितिको बैठकमा सहभागी हुने बताएका छन् ।
आजको बैठकले विचाराधीन विधेयकलाई पनि तत्काल अगाडि बढाउने निर्णय गरेको छ । अर्थ समितिसँग सम्बन्धित पाँच विधेयक छलफलका क्रममा छन् । यी सबै विधेयकलाई तत्काल अगाडि बढाउने निर्णय समेत भएको सभापति चालिसेले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
