१३ मंसिर, काठमाडौं । आफनो उम्मेदवारले एमालेको उम्मेदवारलाई समर्थन गरेपछि बाजुराको स्वामिकार्तिक गाउँपालिकामा नेकपा माओवादीले एकीकृत समाजवादीलाई सघाउने भएको छ ।
माओवादी केन्द्रबाट उपाध्यक्ष उम्मेदवार बनेकी राजुकुमारी विकले एमाले उम्मेदवार सुलोचना भण्डारीलाई समर्थन गरेकी छन् ।
आफ्नो उम्मेदवारले नाम फिर्ता लिएपछि एकीकृत समाजवादीलाई सघाउन सुदूरपश्चिम इन्चार्ज गिरिराजमणि पोखरेलले पत्राचार गरेका छन् । एकीकृत समाजवादीले जवा शाहीलाई उम्मेदवार बनाएको छ ।
पोखरेलले नाम फिर्ता लिने कार्य पार्टी नीति विपरीत भएको पत्रमा लेखेका छन् । समाजवादी मोर्चालाई बलियो बनाउनका लागि एकीकृत समाजवादीलाई मत हाल्न पोखरेलले निर्देशन दिएका छन् ।
स्वामिकार्तिकमा नेपाली कांग्रेसबाट पुल्तीसरा शाही, एमालेबाट सुलोचना भण्डारी, एकीकृत समाजवादीबाट जवा शाही, राप्रपाबाट देवी थापा भोटे धामी उम्मेदवार छन् ।
