२४ पुस, काठमाडौं । जय ट्रफी मेन्स एलिट कप २०८१ अन्तर्गत बुधबार तेस्रो खेलमा नेपाल पुलिस र मधेश प्रदेशबीच खेल भइरहेको छ ।
पर्सामा भइरहेको पहिलो दिनको खेलमा मधेशका मयन यादवले अर्धशतक प्रहार गरेका छन् । मयनले ७९ बल खेल्दै चार चौका र दुई छक्काको मद्दतले अर्धशतक बनाए । उनले यसअघि बागमतीसँगको खेलमा शतक बनाएका थिए ।
खेलमा टस हारेर पहिले ब्याटिङको निम्तो पाएको मधेशले २६ ओभरमा २ विकेटको क्षतिमा ९६ रन बनाएको छ । निरज यादव २९ तथा कप्तान हरिशंकर साह ९ रनमा आउट भएका थिए ।
पुलिसका सर्वन यादव र कुशल भुर्तेलले एक-एक विकेट लिएका छन् ।
पहिलो खेलमा मधेशले बागमतीसँग ड्र खेलेको थियो भने पुलिसले आर्मीसँग ड्र खेलेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
