काठमाडौं । प्रहरीले सुप्रिम बचत तथा ऋण सहकारीको रकम अपचलनबारे अनुसन्धान पुरा गरेर प्रतिवेदन बुझाएको छ । सुप्रिम बचत तथा ऋण सहकारीको अनुसन्धान पुरा गरेर प्रतिवेदन सरकारी वकिल कार्यालयमा बुझाइएको रुपन्देहीका एसपी रञ्जितसिंह राठौरले रातोपाटीलाई बताए । उनले भने, ‘अनुसन्धान प्रतिवेदन बुझाएका छौं ।’
प्रहरीले राष्ट्रिय स्वतन्त्र पार्टी (रास्वपा)का सभापति रवि लामिछाने र पूर्व डीआईजी छविलाल जोशी समेतलाई प्रतिवादी बनाउन राय दिएको छ । सुप्रिमको रकम अपचलन गरेको आरोपमा रवि लामिछाने र छविलाल जोशीसँग बयान लिएको थियो । अनुसन्धानमा संलग्न
एकजना अधिकृतका अनुसार दिपक लामा, अनन्तबहादुर राई, श्रीबल्लभ नेपाल, विशाल तामाङ, रविना रिमाल,भगवती बम्जन,विज्ञान राई,सुरक्षा अधिकारी,नरेश केसी र शिवबहादुर गुरुङ समेतलाई प्रतिवादी बनाउन प्रहरीले राय दिएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
