काठमाडौँ । नेपाली कांग्रेसका नेता विमलेन्द्र निधिले चीन भ्रमणका क्रममा भएका सम्झौताका दस्ताबेज आफूहरूलाई उपलब्ध गराउन सरकारसँग आग्रह गरेका छन् । सोमबार संसद्को अन्तर्राष्ट्रिय समितिमा बोल्दै उनले सो कुरा बताएका हुन् ।
उनले भने, ‘चीन भ्रमणबारे बीआरआई सम्झौता भएको छ । जे जति सम्झौताको दस्ताबेज छ, हामीलाई उपलब्ध गराइयोस् । त्यसपछि हामी धारणा दिन सक्छौँ ।’
उनले चीन भ्रमण पहिले बीआरआई अनुदान बाहेक हुन्न भने प्रधानमन्त्रीको पनि प्रतिबद्धता रहेको बताउँदै अन्तिम चरणमा प्रमकै संलग्नतामा हस्ताक्षर भएको भन्ने सुन्नमा आएको बताए । प्रधानमन्त्रीकै हस्ताक्षर भएको कुरा सुन्नमा आएकोले त्यसबारे बुझ्न प्रमलाई नै समितिमा बोलाएर जानकारी लिनुपर्ने उनले बताए ।
निधिले भने, ‘भ्रमणमा जानुअघि पोखरा एयरपोर्टको लगानीबारे कुरा भएको थियो , त्यो रिक्वेस्ट भयो कि भएन ? त्यो जनताले जान्न चाहेको छ । ग्रान्डमा बदल्ने प्रस्ताव राख्न र छलफल गर्न हाम्रो प्रमले हिम्मत गर्नुभएन कि रुचि राख्नुभएन ? जवाफ चाहिनछ ।’
