काठमाडौँ । सरकारले खेलकुद मन्त्री तेजुलाल चौधरी र श्रम, रोजगार तथा सामाजिक सुरक्षा मन्त्री शरदसिंह भण्डारीको विदेश भ्रमण स्वीकृत गरेको छ । पुस २६ गते बसेको मन्त्रिपरिषद् बैठकले २०८१ माघ ६ गते मलेसियामा आयोजना हुने थारु एनुअल डे एण्ड कल्चरल माघी फेस्टिबल कार्यक्रममा प्रमुख अतिथिको रूपमा सहभागी हुन युवा तथा खेलकुद मन्त्री चौधरीलाई स्वीकृति दिएको हो ।
त्यसैगरी २०८१ माघ १६ देखि १७ मा साउदी अरेबियाको रियादम आयोजना हुने मिनिस्टरियल राउण्डटेबल अफ द ग्लोवल लेबर मार्क कन्फ्रेन्समा माननीय श्रम, रोजगार तथा सामाजिक सुरक्षा मन्त्री भण्डारीलाई स्वीकृति प्रदान गरेको हो । बैठकले पारमाणविक पदार्थको नियमन सम्बन्धी निर्देशिका, २०७२ खारेज गर्ने निर्णय पनि गरेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
