काठमाडौँ । अबदेखि कक्षा १०, ११ र १२ मा पढ्ने विद्यार्थीहरूले भाषाहरू छुट्टै समूहबाट पढ्न पाउने भएका छन् । भाषा र अन्य विषयहरू एउटै समूहमा हुँदा विद्यार्थीहरूले या अन्य विषय पढ्नुपर्ने वा नेपालमा बोलिने भाषा मात्रै पाउने गरेका थिए ।
नेपालमा बोलिने भाषाहरूलाई छुट्टै समूहमा राखेसँगै अब विद्यार्थीहरू भाषा र अन्य विषय पढ्न पाउने भएका हुन् । पाठ्यक्रम विकास केन्द्रका महानिर्देशक इमनारायण श्रेष्ठले नेपालमा बोलिने भाषाहरूको छुट्टै समूह बनाइएको बताए ।
अरू विषय र भाषा विषय एउटै समूहमा हुँदा विद्यार्थीलाई आफ्नो रोजाइको भाषा पढ्न समस्या हुँदै आएको थियो । यस विषयमा विद्यार्थीहरूले शिक्षा, विज्ञान तथा प्रविधि मन्त्री विद्या भट्टराई समक्ष समेत गुनासो गरेका थिए । त्यसपछि एउटै समूहमा रहेका भाषा र अन्य विषयको समूह परिमार्जन गरिएको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
