काठमाडौँ । पोखरा क्षेत्रीय अन्तर्राष्ट्रिय विमानस्थल सञ्चालन भएको दुई वर्षमा बल्ल दुईवटा अन्तर्राष्ट्रिय उडान भएका छन् ।
बिहीबार सिचुवान एयरलाइन्सले १३४ यात्रुसहित पोखरामा दोस्रोपटक अवतरण गरेको हो । यसअघि २०८० असारमा पनि सिचुवानले नै पोखरामा पहिलो अन्तर्राष्ट्रिय उडान भरेको थियो । दुवै उडान चार्टर्ड हुन् ।
चीनको कुनमिङ विमानस्थलबाट सिचुवान एयरलाइन्सको एयर बस ३१९ विमान पोखरामा दिउँसो २ः४० मा अवतरण गरेको विमानस्थल कार्यालयले जानकारी दिएको छ । विमानमा पोखरामा हुने अन्तर्राष्ट्रिय पर्वतीय क्रसकन्ट्री दौड प्रतियोगिताका लागि चिनियाँ खेलाडी र प्रतिनिधिहरू आएका हुन् ।
सन् २०२३ जनवरी १ मा पोखराको अन्तर्राष्ट्रिय विमानस्थल उद्घाटन भएको थियो । त्यसयता उक्त विमानस्थलबाट नियमित रुपमा आन्तरिक उडान मात्रै भइरहेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
