२२ कात्तिक, काठमाडौं। लुटपाटको आरोपमा प्रहरी सहायक निरीक्षक (असई)सहित दुई प्रहरी पक्राउ परेका छन् ।
पक्राउ पर्नेहरुमा असई अनबहादुर पुन र प्रहरी जवान धीर बुढा छन् । उनीहरुलाई काठमाडौं उपत्यका अपराध अनुसन्धान कार्यालयको टोलीले बुधबार पक्राउ गरेको हो ।
पक्राउ परेकाहरुलाई अनुसन्धान गर्नका लागि बुधबार नै जिल्ला प्रहरी परिसर काठमाडौं बुझाइएको एक अधिकृतले बताए ।
उनीहरुले कलंकीस्थित एक रेस्टुरेन्टबाट पुरानो छालाको पैसा लुटपाट गरेको आरोप लागेको छ । अपराध अनुसन्धान कार्यालयमा दरबन्दी भई उनीहरु प्रहरी वृत्त कीर्तिपुरमा कार्यरत थिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
