नयाँ दिल्ली । बलिउड अभिनेता सैफ अली खानमाथि भएको चक्कु प्रहारको घटनाबारे मुम्बई प्रहरीको अपराध शाखाले अनुसन्धान गरिरहेको छ । सोमबार प्रहरीले यस मामिलामा सन्दिग्ध शरिफुल इस्लामलाई समातेका थिए ।
पक्राउ परेका अभियुक्त बङ्गलादेशका एक पहलवान भएको बताइएको छ । सोधपुछपछि अपराध शाखाले भन्यो, ‘शरीफुलले जिल्ला र राष्ट्रिय स्तरमा कुस्ती खेलेका थिए । कुस्ती खेलाडी भएको कारणले गर्दा उनी सैफमाथि भारी भए ।
घटनापछि उनले धेरै पटक लुगा फेरे र धेरै ठाउँमा पनि गए । त्यसैले उसलाई खोज्न समय लाग्यो । ऊ एउटा पबमा काम गर्थे, यहाँबाट पनि चोरी गरेको आरोपमा उसलाई निकालिएको थियो । शरीफुल सेप्टेम्बरमा मुम्बई आएका थिए ।’
मुम्बई प्रहरीले सैफको बान्द्रास्थित घरमा अपराध दृश्य रिक्रियट गर्न सक्ने भनिएको छ । शरिफुल यतिबेला ५ दिनको प्रहरी हिरासतमा छन् । प्रहरीले बताएअनुसार शहजाद जनवरी १६ को बिहान चोरीको उद्देश्यले सैफको अपार्टमेन्टमा छिरेका थिए । अपार्टमेन्टको आठौँ तल्लासम्म उनी भर्याङ्ग नै चढेर गएको पत्ता लागेको छ ।
यसपछि, पाइपमा उक्लिँदै उनी १२ औँ तल्लामा पुगे र बाथरुमको झ्यालबाट सैफको फ्ल्याटमा छिरे । जनवरी १५ को राति करिब २ बजे सैफमाथि आक्रमण भएको थियो ।
यस आक्रमणमा उनको मेरुदण्ड र घाँटीमा गम्भीर चोट लागेको थियो । यसपछि उनलाई लिलावती अस्पताल पुर्याइयो । यहाँ उनको उपचार भइरहेको छ ।
@एजेन्सी
