काठमाडौँ । सुनको सिक्री लुटमा संलग्न आरोपमा प्रहरीले काठमाडौँबाट दुई जनालाई पक्राउ गरेको छ । पक्राउ पर्नेमा धादिङको धुनिवेशी घर भएर काठमाडौँ बस्ने ४२ वर्षीय गोरे तामाङ र काठमाडौँको बिजेश्वरी घर भएका ३९ वर्षीय कृष्णप्रसाद श्रेष्ठ उर्फ बाबु छन् ।
आरोपीहरूले मङ्सिर २० मा नागार्जुन नगरपालिका–६ स्थित टौखेलमा ७२ वर्षीया महिलाको करिब २ तोलाको सिक्री लुटपाट गरेको प्रहरीको अनुसन्धानबाट थाहा भएको छ ।
सिक्री लुटेर उनीहरू मोटरसाइकलमा फरार भएका हुन् । आरोपीहरूमाथि प्रहरी वृत्त स्वयम्भूले अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
