पाकिस्तानविरुद्धको पहिलो टेस्टमा साउथ अफ्रिका २ विकेटले विजयी भएको छ। योसँगै २ खेलको शृंखलामा साउथ अफ्रिकाले १-० को अग्रता बनाएको छ।
सेन्च्युरियनमा १४८ रनको लक्ष्य घरेलु टोली साउथ अफ्रिकाले चौथो दिन ८ विकेट गुमाएर भेट्टाएको हो । उसको जितमा क्याप्टेन टेम्बा बाभुमाले सर्वाधिक ४० रन बनाए । एइडन मारक्ररमले ३७ र कागिसो राबाडाले ३१ रन बनाए।
पाकिस्तानका लागि मोहमद अब्बासले ६ विकेट लिएपनि हार भने टार्न सकेनन् । खुर्राम सहजाद र नसिम साहको नाममा एक विकेट रह्यो ।
साउथ अफ्रिकाले पहिलो इनिङ्समा ३०१ रन बनाएको थियो । पहिलो इनिङ्समा २११ रन बनाएको पाकिस्तान दोस्रो इनिङ्समा पनि २३७ रनमा अलआउट भयो।
दोस्रो तथा अन्तिम टेस्ट जनवरी ३ मा केपटाउनमा सुरु हुनेछ।
यो खबर पढेर तपाईलाई कस्तो महसुस भयो ?
+1
+1
+1
+1
+1
