मस्को । आफ्नो सेनाले पूर्वी युक्रेनको दोनेत्स्क क्षेत्रको कुराखोभे सहर पुनः कब्जा गरेको दाबी रुसले गरेको छ । तर, युक्रेनले भने रुसको यो दाबी स्वीकार गरेको छैन ।
कुराखोभेलाई रणनीतिक दृष्टिकोणले रुस–युक्रेन सीमाको महत्त्वपूर्ण स्थान मानिन्छ । युक्रेनले आइतबार यस क्षेत्रमा जवाफी हमला गरेको थियो । त्यसयता रुस र युक्रेनका सेनाबिच भीषण युद्ध चलिरहेको छ ।
अन्तर्राष्ट्रिय समाचार संस्था रोयटर्सले उपलब्ध गराएको एउटा तस्बिर सामाजिक सञ्जालमा निकै चर्चामा छ । तस्बिरमा कुराखोभोमा रुसी झन्डा बोकेको एक सैनिक देखिएका छन् । सोमबार बिहानसम्म युक्रेनी सेना कुराखोभे भित्र रुसी सेनासँग लडिरहेको युक्रेनको संगठित सेनाका प्रवक्ता भिक्टर त्रिहुबोभले बताएका थिए ।
@एजेन्सी
यो खबर पढेर तपाईलाई कस्तो महसुस भयो ?
+1
+1
+1
+1
+1
