गायक दुर्गेश थापाको नयाँ गीत दुश्मन हेरेको हेरेई बजारमा आएको छ। सोमबार मात्र रिलिज भएको सो गीत २४ घण्टामै ट्रेडिङमा परेको छ।
युट्युबको ट्रेडिङमा ६ मा रहेको उक्त गीत ३ लाख ६४ हजार पटक हेरिएको छ। गीतमा आनन्द कार्की, दुर्गेश थापा, समीक्षा अधिकारी र एलिना चौहानको स्वर रहेको छ।
हुनत थापाको सो गीत रिलिज हुनु अगावै दर्शक/स्रोताको ध्यान तानिएको थियो। गीतको सानो टुक्रामा हजारौँले टिकटक भिडिओ बनाइसकेका थिए। त्यहीबिच गायिका समीक्षा अधिकारीले पनि सो गीतमा टिकटक बनाएकी थिइन्। त्यसैले पनि सबैको ध्यान तानिएको थियो। धेरैले गीतमा समीक्षाको पनि स्वर हुन सक्ने अडकल काटेका थिए। अन्ततः सो कुरा सत्य भएको छ। गीतमा समीक्षाले पनि आफ्नो आवाज दिएकी छिन्।
त्यसो त दुर्गेशको गीतमा समीक्षाले स्वर दिएसँगै अहिले चर्चाको विषय बनेको छ। एक अर्काको दुश्मनजस्तै बनेका उनीहरु दुर्गेशको गीतमा समीक्षा पनि जोडिएपछि धेरैले उनीहरूको सम्बन्धमा सुधार आएको आङ्कलन गरेका छन्।
पल शाह र समीक्षाबिचको काण्डमा दुर्गेश पनि मुछिएका थिए । समीक्षालाई उक्साएको भन्दै पलका फ्यानहरू दुर्गेशविरुद्ध खनिएका थिए । तर, दुर्गेशले प्रहरी र अदालतमा पलको विरुद्धमा कुनै बयान दिएनन् । हालै एक अन्तरवार्तामा पलले दुर्गेशसँग अहिले राम्रो सम्बन्ध रहेको बताएका छन् ।
