काठमाडौँ । सत्तारूढ दल नेपाली कांग्रेसको संसदीय दलको बैठकमा गृहमन्त्री रमेश लेखकले सरकारबारे ब्रिफिङ गरेका छन् ।
आइतबार बसेको बैठकमा उनले एकल सरकार जस्तो सहज गठबन्धन सरकार नहुने भन्दै कम्परमाइज गर्नुपर्ने धारणा राखेको बैठकमा सहभागी एक सांसदले जानकारी दिए ।
‘एकल सरकार हुँदा जस्तो हुँदैन‚ गठबन्धन सरकार संवेदनशील हुन्छ भनेर उहाँले भन्नुभयो‚’ ती सांसदले भने‚ ‘यसलाई बिग्रन नदिने र सहकार्यमा रहेको दलसँग सम्बन्ध निर्धारण गर्नुपर्ने कुरा उहाँले गर्नुभयो । साथै उहाँले आफूले भनेको मात्र नहुने भन्दै कम्परमाइज गर्नुपर्ने धारणा राख्नुभयो।’
ती सांसदका अनुसार गृहमन्त्री लेखकले जति पनि काम भएका छन् सबै सभापति शेरबहादुर देउवा र प्रधानमन्त्री केपी शर्मा ओलीबिच सरसल्लाह भएरै भइरहेको र सरकार ठिक गतिमा अघि बढिरहेको दाबी लेखको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
