सुर्खेत । पुस १२ गते डोजर पल्टिँदा कर्णाली नदीमा बेपत्ता भएका कालिकोट पचालझरना गाउँपालिका–८, का ४० वर्षीया कुश्माखर सञ्ज्याल अझै भेटिएका छैनन् ।
८ दिन बितिसक्दापनि उनको कुनै पत्तो नलागेको जिल्ला प्रहरी कार्यालय कालिकोटका सूचना अधिकारी गोविन्द चौधरीले रातोपाटीलाई जानकारी दिए ।
पुस १२ गते पचालझरना–८ चाटेबगरबाट वडा नम्बर ४ को जारकोटस्थित कर्णाली नदीमा डोजर तार्ने क्रममा डोजर पल्टिएको थियो ।
डोजरसहित सहचालक समेत रहेका सञ्ज्याल बेपत्ता भएका थिए । चौधरीले स्थानीय र प्रहरीले उनको खोजी कार्य गरिरहेको बताए ।
गोताखोरका लागि केन्द्रमा परिपत्र गरे पनि कुनै रिस्पोन्स नआएको उनको भनाइ छ । डोजरका चालक नमराज मल्ललाई भने सकुशल उद्धार गरिएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
